[بسم الله الرحمن الرحيم
اليوم جيبلكم قصيد روعــه لشاعرنا فرحان محمد بن هملي الملعبي
اخليكم مع القصيد ........
( ذكرى وأذكر )
,
,
حاضر الحب عجّل فـي زوال القديـم
وصار شي ن على قلب الشقا ماخطـر
مثل شلفـا ذيـاب وظربتـه فالصميـم
والله إنه شبيه المـوت بطـن وظهـر
لاح برق الفـراق وصـار فالجوغيـم
وأمطرت بالهموم أيام ....مدري شهـر
هم يرحـل وهـم ن فالظمايـر مقيـم
والعيـون إستباحـت دمعهـا وإنتثـر
ماهقيت إني أسلا....مير ربـي كريـم
شامت النفس من عقب العنـا والسهـر
روح مأنتب قريب ولأنتب أغلى نديـم
مابقالـك بقلبـي غيـر ذكـرى وأثـر
كنت عندي عظيم....وكان حبك عظيـم
ومنزلتك بظميري فـوق كـل البشـر
كنت في عالمي تشبه هبـوب النسيـم
وكنت أنا في حياتك مثل غصن الشجر
كنت مأقوى جفاك....وكان وصلك عقيم
لكن الحين أنـا ويـاك ليـل وعصـر
مستحيل إني أرجـع للمحبـه وأهيـم
صدّتك هم لكن قربـك أدهـى وأمـر
طابت جروح قلب ن من غرامك سقيـم
إنجلا الغيم وأضوى الأرض نور القمر
روح ماودي أنظرلك بنظـرة خصيـم
وإدفن الللي مضى مع حضرتك في قبر
روح والله بمـا سويـت فينـي عليـم
لاتهل الدمـوع...... ولاتـدوّر عـذر
حاضر الحب عجّل فـي زوال القديـم
ولابقالك بقلبـي غيـر ذكـرى وأثـر
,
,
,
,
,
,
,
( أقصى طموحي )
,
,
وين أنـت ياسبـة حنينـي ونوحـي
غيبتـك طالـت والمشاعـر تناجيـك
تسمع صدى صوتي ولاكنـك توحـي
وأنا قبل تزهـم علـي ألتفـت فيـك
وقفت في صف الزمـان الشحوحـي
الوقت قاسي وأنت ماصنـت مغليـك
كنت أحسب إنك للمواجـه لحوحـي
وأثرك تغيـب وكـل حاجـه تسليـك
وصلك طموحي ، لكن أقصى طموحي
أشعل خفوقي لـك وأظمـك وأدفّيـك
هجرك يزيـد الهـم ويعـل روحـي
مالي جدى غير إني أبكيـك وأرثيـك
ياشيب عينـي دام ماأنـت بسموحـي
وياطر جيبـي مـن غـلاك وتغليـك
ماغير أجي مع شارع أهلك وأروحي
برق الحيـا يجـذب محبـك وياتيـك
لأبعدت عن مربـاك دمـي يفوحـي
ودي أعيـش العمـر كلـه حواليـك
في جيّتـك كنـك تـداوي جروحـي
وفي روحتك روح ن تودك تخاويـك
لو بحت لك ماترجم الشعـر بوحـي
ولو طوّلت غيبتـك ماغـاب طاريـك
تعـال حقـق لـي بحبـك طموحـي
وأنا علـي إنـي أصونـك وأداريـك
إقلط بقلب ن لك محـب ن نصوحـي
هـذا محلـك وإرحـب الله يحيـيـك
,
,
,
,
,
,
,
( غمزه وتأشيره )
,
,
ياهيه ... مافيك لانخـوه ولامـروّه
طغى غرورك على طيبتك والغيـره
الكبر سيطر عليك ، وماتت الخـوّه
وهجرت عد المحبه وإنهـدم بيـره
مافيه داعي بضحك حجاجـك تمـوّه
وتزيّف إعجابـك بغمـزه وتأشيـره
مانيب جابرك ... كل اللي تبي سوّه
القلب مأنت أول وتالـي مخاسيـره
مليت همك ، وجرح ن منـك ياقـوّه
( ظربة قفا ) جرحها ياقـو تأثيـره
لاقلت لك عالجه ( تكفى وهو توّه )
حطيت وسط الظماير واحد ن غيـره
ياليل ساهرك ملّك وإنطفـت ضـوّه
ماشاف في خوّتك خير ن ولا خيره
ظيّقت بال الموّلـع وإنعفـس جـوّه
والصبح عيّـت تبيّـن لـه تباشيـره
ياهيه ... أبعلّمك فـي شـي وأنـوّه
( بدري عليك أتبعك وأصير تقزيره )
هواك برق ن تفـرّق فالسمـا نـوّه
وغلاك فالقلـب قـل وقـل تقديـره
مـادام ماجابتـك نخـوه ولامـروّه
خلك على صدّتـك لاعلّهـا خيـره
,
,
,
,
,
,
,
( التفاتك )
,
,
خلاص صار القلب من حبك إخلي
رح وإعتبرني مرحله من حياتـك
حاول تناسى كل مايربطـك بـي
لاتعتذرلي وقـت الأعـذار فاتـك
لاتنتظر مني مواجـه وأنـا حـي
لأن الفراق أعلـن بقلبـي وفاتـك
إن كان عندك باقي ن حاجة ن لي
جبها، مأبيها تصير من ذكرياتـك
ماودي أترك شي ن يذكـرك فـي
ويذكرك بإن الغدر مـن صفاتـك
إبتدري إنك وسط قلبـي ولاشـي
ماهزنـي يـوم الفـراق إلتفاتـك
الصد والحقران مع مثلـك شـوي
أزريت لاتخلص معي من رداتـك
الحمـد لله تبـت لله وأنـا حـي
من عقب ماني كنت أحلف بغلاتك
,
,
,
,
,
,
,
,
( صدر بدوي )
,
,
البارحه بيـن كتمـان المشاعـر وبيـن
صرخة ألم من ورى الأضلاع تدوي دوي
في داخلي معركة مؤته وغـزوة حنيـن
الحال ظاهر وباطن غيـر ماهـو سـوي
إحترت مدري يسـار أروح وإلا يميـن
ياشينهـا لاغـدت مابيـن خـل وخـوي
ثارت براكين قلب ن خامده مـن سنيـن
وسمعت في داخل الأعماق ذيـب يعـوي
مانيب من والف الصمت وصفق باليديـن
الصمت ماهو سمه فالشاعر الفوضـوي
ياليـل طاولتنـي بالحـزن والهـم ليـن
ظيقت من شوفة العمران صـدر بـدوي
في خوتك مالقيت إلا السهـر والحنيـن
وفي غيبتك ماذكرت إلا إنكسـار القـوي
ياليل عانقتني وأحييـت جـرح ن دفيـن
وقطعت عرق الأمل عن قلبي المنكـوي
وردت حيام الجـروح ويالله إنـك تعيـن
الوضع مزري ولا أظنـه يبـى يستـوي
وش صار مدري ولكـن الكـلام اليقيـن
إني بغبة همـوم الوقـت قمـت أهـوي
تعكرت صفوة الماء صار ملح ن وطيـن
لكن على الله وصفحـة هالعنـا تنطـوي
أبتبـع الحلـم وأسـرار الليالـي تبيـن
وأبطبع الحب ياقلـب الشقـى وأرتـوي
وإن طحت ياوقت عذري فالظهر طعنتين
طعنة رفيق ووليـف ن جيتلـه مهتـوي
,
,
,
,
,
,
,
,
( الوداعه )
,
,
شابت حلول الوصل عندي ولاشبـت
والحـظ عاندنـي وطّـوى شراعـه
وعالجت جرح ن في خفوقي ولاطبت
قلبي وأنا أدري وش سبايب ظياعـه
عليك ياللـي فـي محبـك تلاعبـت
الصبـر ماينطـاق والبعـد لاعــه
خلاص يكفي هجر ، للحيـن ماتبـت
كب الدلـع ماعـاد فـي إستطاعـه
ماتدري إنـك فـي عذابـي تسببـت
وإني بحبك عايـش ن فـي مجاعـه
يامـن بعـد عرفـك بحبـك تغيّبـت
مافيه غيـرك هزنـي فـي وداعـه
تدري وش اللي يوم جيتك معي جبت
قلـب ن نزيـه ولاتغيّـر إطبـاعـه
مابي عوض عنّـه ولافيـه طالبـت
وداعتـك كانـك تصـون الوداعـه
لكن دخيلك رحمـة ن فـي لاغبـت
قلّي تراي أفقـدك فـي كـل ساعـه
لأني مـن الفرقـا وبعـدك تهيّبـت
وصـدك عزايـر خافقـي وإلتياعـه
وشوفك ربوع وغيبتك كنهـا السبـت
لبّـى عيونـك لاتطـول القطـاعـه
,
,
,
,
,
,
تقبلوا فائق الشكر والامتنان , , , ,
ابي رايكم بأبدع شاعر عذاريب الــــردود ؟؟
موضوع: 6 قصيد لشاعرنا فرحان الملعبي 
السبت ديسمبر 12, 2009 3:13 am
